Saturday, March 30, 2013

GRAMA SABHA -THULUGONDA - PESA 1996

 
షెడ్యూల్ ప్రాంతాలకు పంచాయతీ విస్తరణ చట్టం (PESA1996) గ్రామ సభ
“మన కుల సాంప్రదాయాన్ని, కుల పంచాయతీ పరిపాలన విధానాన్ని పునరుద్ధరించుకొనేందుకు PESA చట్టం చక్కని అవకాశామని దీన్ని మన గిరిజన గ్రామాలన్నీ వియోగించుకొని ప్రభుత్వ అధికారుల సహకారంతో మన వనరులను కాపాడుకొంటూ అభివృద్ధి చెందాలని” శ్రీ. బందం కన్నయ్య , తులుగొండ గ్రామ పెద్ద అన్నారు. శనివారం నాడు PESA చట్ట ప్రకారం తులుగొండ గ్రామస్తులు ఏర్పాటు చేసుకొన్న గ్రామ సభను ప్రారంభిస్తు ఆయన పై విధంగా అన్నారు. 43 గిరిజన కుటుంబాలు, 7 గిరిజనేతర కుటుంబాలు నివశిస్తున్న ఈ గ్రామంలో 43 మంది గ్రామస్తుల సమక్షంలో (కోరంతో) మధ్యాహ్నం 12.00 గంటలనుండి 2.00 గంటల వరకు గ్రామ సభ జరిగింది. 
గ్రామస్తుల ఆహ్వానం మేరకు ఈ సమావేశమునకు అతిధి గా హాజరైన స్వచ్చంద సేవ సంస్థ Asha ప్రతినిధి శ్రీ. Sd. సుభాని PESA చట్టం 1996 గురించి సవివరంగా వివరించారు.  గ్రామసభ కు గ్రామ ప్రజల ఉన్నతిని గుర్తించి, ఆచార సాంప్రదాయాలను పరిరక్షిస్తూ, సంప్రదాయ విచారణ పద్దతులను అనుసరిస్తూ, ఆ గ్రామ పరిసరాలలోని ప్రకృతి వనరునాలు కాపాడేందుకు అవసరమైన తీర్మానాలను చేయడం అమలుచేసే అధికారం ఉందని వివరించారు.
 గ్రామసభ  ముఖ్య విషయాలపై చర్చించి తీర్మానం చేయడం జరిగింది. 1. గతం లో గ్రామస్తుల మధ్య ఉన్న ఎటువంటి మనస్పర్దలు, అపార్ధాలు, గొడవలు గురించి మాట్లాడి వాటిని తొలగించుకోవాలని, ఇక పై అందరూ ఐక్యమత్యం గా ఉంటూ అన్నీ సమస్యలను గ్రామంలోనే గ్రామసభలో పరిష్కరించుకోవాలని తీర్మానించుకోవడం జరిగింది. 2. వన సంరక్షణ సమితిలో సిద్ధంగా తయారై ఉన్న వెదురును సేకరించి అమ్మకం జరిపాలని, ఇందుకు అటవీశాఖ సహకారాన్ని కోరడం జరిగింది. 3. గ్రామ సభ కు సహకరించేందుకు స్టాండింగ్ కమిటీ (8 మంది మహిళలు 7గురు పురుషులతో 15 మంది సభ్యులుగల) ని ఎంపిక చేయడం జరిగింది. ఈ స్టాండింగ్ కమిటీకి చైర్ పర్సన్ గా శ్రీ. వెట్టి. భీమరాజు ను సహాయ చైర్ పర్సన్ గా శ్రీమతి కణితి . కాంత ను గ్రామస్తులందరు ఏకగ్రీవంగా ఎన్నుకున్నారు. 4. గ్రామ సమీప అటవిలోని కలపేతర అటవీ ఉత్పత్తులను(తాని, కరక)  సేకరించాలని తీర్మానించడం జరిగింది. 5. గ్రామంలో పై కప్పు వరకు వచ్చి ఆగిపోయిన 24 కాలనీ ఇండ్లకు పై కప్పు శ్లాబ్ వేసినట్లైతే కూలిపోతాయి కనుక  సిమెంట్ రేకులు ఏర్పాటు చేయమని ITDA ప్రాజెక్టు అధికారి ని కోరుతూ తీర్మానం చేయడం జరిగింది.
అటవీశాఖ తరపున హాజరైన శ్రీ.టి.సాయి, ఫారెస్ట్ బీటు ఆఫీసర్  తమ వంతు పూర్తి సహకారాన్ని అందిస్తామని తెలియజేశారు.


Posted by Picasa

No comments:

Post a Comment